Privacy Policy

رازداری کی پالیسی

آخری اپ ڈیٹ: [] اگست، 2025

یہ پالیسی Indus ایپ اسٹور پرائویٹ لمٹڈ (جو پہلے OSLabs’ ٹیکنولوجی (انڈیا) پرائویٹ لمٹڈ کے نام سے جانی جاتی تھی) پر لاگو ہوتی ہے۔ یہ ایک کمپنی ہے جو کمپنی ایکٹ، 2013 کے تحت رجسٹرڈ ہے اور اس کا رجسٹرڈ آفس درج ذیل پتے پر واقع ہے:

 نیلسن ٹاورس، نیلسن مانیکم روڈ، امنجیکرائی، چنئی، تمل ناڈو، انڈیا 600029، 51/117#

یہ پالیسی اس بات کی وضاحت کرتی ہے کہ Indus اور اس کی ملحقہ / اداروں / ذیلی ادارے / ایسوسی ایٹس (جنہیں اجتماعی طور پر “Indus” / “ہم” / “ہمارا” / “ہمیں” کہا جائے گا، جیسا کہ سیاق و سباق میں ضروری ہو) آپ کی ُذاتی معلومات کو کس طرح جمع، محفوظ، استعمال اور پراسیس کرتے ہیں۔

یہ پالیسی درج ذیل پلیٹ فارمز پر لاگو ہوتی ہے:

https://www.indusappstore.com/ (“Indus ویب سائٹ”)

Indus ایپ اسٹور – ڈویلپر پلیٹ فارم (“ڈیولپر پلیٹ فارم”)

 Indus ایپ اسٹور موبائل ایپلیکیشن

اور دیگر متعلقہ سروسز (اجتماعی طور پر “پلیٹ فارمز” کہلائیں گی)۔

جب آپ ہمارے پلیٹ فارمز استعمال کرتے ہیں، Indus ویب سائٹ وزٹ کرتے ہیں، ہماری کسی اور سائٹ پر موجود مواد سے تعامل کرتے ہیں، اپنی معلومات فراہم کرتے ہیں یا ہماری سروسز/پراڈکٹس استعمال کرتے ہیں، تو آپ واضح طور پر اس پرائیویسی پالیسی اور متعلقہ سروسز/پراڈکٹس کے شرائط و ضوابط کو ماننے پر رضامند ہوتے ہیں۔

ہم آپ کے اعتماد کی قدر کرتے ہیں اور آپ کی پرائیویسی کا احترام کرتے ہیں، اس بات کو یقینی بناتے ہیں کہ لین دین محفوظ طریقے سے ہوں اور آپ کی ُذاتی معلومات مکمل تحفظ کے ساتھ محفوظ رہیں۔

یہ پرائیویسی پالیسی ہندوستان کے قوانین اور ضوابط کے تحت شائع کی گئی ہے اور اسی کے مطابق سمجھی جائے گی۔ اس میں Iانفارمیشن ٹکنالوجی (معقول سیکورٹی پریکٹسز اینڈ پروسیجرز اور حساس ذاتی ڈیٹا یا انفارمیشن) رولز، 2011، شامل ہیں۔ 

جو انفارمیشن ٹیکنالوجی ایکٹ، 2000 کے تحت آتی ہیں۔ ان قوانین کے مطابق پرائیویسی پالیسی کا شائع ہونا ضروری ہے تاکہ ُذاتی معلومات کے جمع کرنے، استعمال کرنے، محفوظ رکھنے، ٹرانسفر کرنے اور افشاء کرنے کے طریقہ کار واضح کیے جا سکیں۔

ُذاتی معلومات سے مراد وہ تمام معلومات ہیں جو براہِ راست کسی مخصوص فرد سے منسلک ہوں، اور اس میں حساس، ذاتی معلومات بھی شامل ہے (یعنی وہ ذاتی معلومات جنہیں ان کی نازک نوعیت کے باعث خصوصی ڈیٹا پروٹیکشن اقدامات کی ضرورت ہوتی ہے)۔ تاہم اس میں وہ معلومات شامل نہیں ہیں جو عام طور پر عوامی ڈومین میں موجود یا سب کے لیے با آسانی دستیاب ہوں۔ اگر آپ اس پرائیویسی پالیسی سے متفق نہیں ہیں، تو براہ کرم ہمارے پلیٹ فارمز کا استعمال یا ان تک رسائی حاصل نہ کریں۔

معلومات کا جمع کرنا

ہم آپ کی ُ ذاتی معلومات ( اس وقت جمع کر سکتے ہیں جب آپ ہماری سروسز یا پلیٹ فارمز استعمال کرتے ہیں یا کسی اور طریقے سے ہمارے ساتھ رابطہ رکھتے ہیں۔ ہم صرف وہی ُ ذاتی معلومات جمع کرتے ہیں جو آپ کو مطلوبہ خدمات فراہم کرنے اور پلیٹ فارمز کو مسلسل بہتر بنانے کے لیے متعلقہ اور بالکل ضروری ہوں۔

ذاتی اور حساس ُ ذاتی معلومات جو جمع کی جا سکتی ہیں، ان میں شامل ہیں لیکن ان تک محدود نہیں:

• آپ کا فون نمبر، ای میل پتہ اور دیگر تفصیلات جب آپ ہمارے ساتھ اکاؤنٹ بناتے ہیں۔

• اگر آپ کے پاس پہلے سے PhonePe گروپ میں اکاؤنٹ ہے، تو ہم آپ کی ُ ذاتی معلومات آپ کے PhonePe پروفائل سے حاصل کر سکتے ہیں، جس میں نام، ای میل آئی ڈی اور دیگر پروفائل کی تفصیلات شامل ہو سکتی ہیں۔

• آپ کی سرگرمی سے متعلق معلومات جیسے کہ ایڈورٹائزنگ آئی ڈی، انسٹال شدہ ایپس کی فہرست، ایپ کے استعمال کی معلومات، ایپ ریویوز اور ریٹنگز، ایپ لینگوئج، ایپ یوزج اسٹیٹسٹکس اور کچھ دیگر معلومات جب آپ ہماری پلیٹ فارمز یا ہماری جانب سے دکھائے گئے اشتہارات/مواد تک رسائی کرتے ہیں۔

• ہمیں آپ کے بارے میں معلومات تھرڈ پارٹی پارٹنرز سے بھی مل سکتی ہیں، بشمول اصل سازوسامان کے مینوفیکچررز (OEMs) جیسے جب ہم مشترکہ طور پر کوئی سروس فراہم کرتے ہیں یا جب ہمارے اشتہارات ان کے پلیٹ فارم پر دکھائے جاتے ہیں۔

• آپ کا موبائل نمبر اور ڈیوائس سے متعلق تفصیلات جیسے آلہ شناخت کنندہ، آلہ کی زبان، آلہ کی معلومات، انٹرنیٹ بینڈوتھ، موبائل ڈیوائس میک اور ماڈل، وقت گزارا، انسٹال کردہ اپس اور متعلقہ معلومات، IP پتہ اور مقام، مائیکروفون، کنکشن کی معلومات وغیرہ۔

اگر آپ ایک ڈویلپر ہیں تو ہم اضافی طور پر آپ کا  مکمل  نام، ای میل، پتہ، PAN کی تفصیلات، ووٹر آئی ڈی، ڈرائیور لائسنس کی تفصیلات آپ کی رجسٹریشن اور ڈویلپر پلیٹ فارم پر ویریفیکیشن کے لیے جمع کریں گے۔

معلومات مختلف مراحل پر جمع کی جا سکتی ہیں، مثلاً:

• پلیٹ فارمز وزٹ کرنے پر۔

• پلیٹ فارمز پر “صارف” کے طور پر رجسٹریشن کرنے یا کسی اور تعلق کے تحت جو پلیٹ فارمز پر موجود شرائط و ضوابط سے منسلک ہو، نیز ڈویلپر پلیٹ فارم پر اکاؤنٹ کی تصدیق کے وقت۔

• پلیٹ فارمز پر لین دین کرنے یا اس کی کوشش کرنے پر۔

• پلیٹ فارمز کی جانب سے بھیجے گئے لنکس، ای میلز، چیٹ گفتگو، فیڈبیک، نوٹیفکیشنز، اشتہارات وغیرہ تک رسائی کرنے یا ہماری سروے میں شامل ہونے پر۔

• Indus کی کسی بھی ملحقہ / اداروں / ذیلی ادارے / ایسوسی ایٹس کے ساتھ تعلق رکھنے پر، بشمول PhonePe صارف اکاؤنٹ بنانے کے۔ آپ کی پروفائل معلومات (نام، ای میل آئی ڈی اور دیگر تفصیلات) PhonePe ایپ پر یکساں ہوں گی۔

• Indus میں کیریئر کے مواقع کے لیے اپلائی کرنے یا Indus میں ملازمت کے مقاصد کے لیے آن بورڈنگ کے دوران۔

معلومات کے مقاصد اور استعمال

Indus آپ کی ُذاتی معلومات کو درج ذیل مقاصد کے لیے پراسیس کر سکتا ہے:

• آپ کا اکاؤنٹ بنانا اور آپ کی شناخت اور رسائی کے حقوق کی تصدیق کرنا۔
• آپ کو ہمارے، ہماری ملحقہ، ماتحت ادارے، ایسوسی ایٹس یا کاروباری شراکت دار کے ذریعے فراہم کردہ پراڈکٹس اور سروسز تک رسائی دینا۔
• ایپ اسٹور پر سرچ فنکشنالٹی فعال کرنے کے لیے آڈیو سوالات کو محفوظ کرنا۔
• آپ سے آپ کی سوالات، لین دین ، اور/یا کسی دیگر ضرورت کے سلسلے میں رابطہ کرنا۔
• کمیونیکیشن ڈیٹا کا تجزیہ کرنا تاکہ آپ کے مسائل حل کیے جا سکیں۔ مثال کے طور پر یہ دیکھنا کہ آخری اپ لوڈ/تبدیلی/ایکشن کب ہوا تھا، ہماری سروسز آپ نے آخری بار کب استعمال کیں، وغیرہ۔
• آپ کو بگ فکسز ، بہتر فیچرز، چھوٹی ہوئی پلگ انز اور Indus ایپ اسٹور یا کسی اور ایپ کے نئے ورژن کے بارے میں معلومات اور حل فراہم کرنا۔
• آپ کے انسٹال شدہ ایپس جیسی معلومات کا استعمال کر کے آپ کو نئے متعلقہ ایپس تجویز کرنا۔
• آپ کے لیے متعلقہ اپس اور ویڈیو تجویز کرنا اور مختلف پروسس/اپلیکیشنز /پراڈکٹس یا سروسز استعمال کرتے وقت آپ کے تجربے کو بہتر بنانا (صارف کا سلوک مجموعی تجزیه کر کے)۔
• ایپس اور نوٹیفکیشنز آپ کے لیے حسبِ ضرورت تیار کرنا، ایپس کا نظم اور ان انسٹال کرنے میں مدد دینا، تجزیات فراہم کرنا اور پلیٹ فارمز پر آپ کے تجربے کو بہتر بنانا۔
• جہاں ممکن ہو، آپ کے بارے میں موجود ڈیٹا استعمال کر کے آپ کے ‘صارف کے سفر’ کو آسان بنانا۔
• وقتاً فوقتاً پراڈکٹس/سروسز کی نگرانی اور جائزہ لینا، سروسز کو حسب ضرورت کر کے آپ کا تجربہ زیادہ محفوظ اور آسان بنانا، اور آڈت کرنا۔
• تھرڈ پارٹیز کو آپ سے رابطہ کرنے کی اجازت دینا تاکہ وہ آپ کے ذریعے پلیٹ فارمز پر یا تیسری پارٹی کے لنکس سے حاصل کردہ پراڈکٹس اور سروسز فراہم کر سکیں۔
• سیکیورٹی خلاف ورزیوں اور حملوں کی شناخت کرنا؛ اکاؤنٹس اور سرگرمیوں کی تصدیق کرنا؛ ہماری سروسز کی حفاظت اور سیکیورٹی کو فروغ دینا؛ مشتبہ سرگرمی یا ہماری شرایط یا پالیسی کی خلاف ورزی کی تحقیقات اور روک تھام کرنا؛ غیر قانونی یا مشتبہ دھوکہ دہی یا منی لانڈرنگ اور دیگر مجرمانه سرگرمیوں کے خلاف کارروائی کرنا؛ فرانزک آڈٹ کرنا (Indus یا حکومتی اداروں کی جانب سے، بھارت کے اندر یا باہر دونوں صورتوں میں)۔
• ہماری شرائط و ضوابط نافذ کرنا؛ آپ سے مارکیٹ ریسرچ کے لیے رابطہ کرنا؛ آپ کو آن لائن اور آف لائن آفرس، پراڈکٹس، سروسز اور اپ ڈیٹس سے آگاہ کرنا؛ مارکیٹنگ، اشتہار اور حسب ضرورت پروٖکٹس کے ذریعے آپ کے تجربے کو بہتر اور شخصی بنانا۔
• کوکیز اور دیگر ٹیکنالوجیز سے حاصل کردہ معلومات استعمال کر کے آپ کے صارف کے تجربہ اور ہماری سروسز کے مجموعی معیار کو بہتر بنانا۔
• سرویز اور ریسرچ کرنا، ڈولپمنٹ میں موجود فیچرز کو ٹیسٹ کرنا، معلومات کا تجزیہ کر کے پراڈکٹس اور سروسز کو جانچنا اور بہتر کرنا، نئے پراڈکٹس اور فیچرز تیار کرنا، اور آدت و ٹربل شوٹ سرگرمیاں کرنا۔
• ہمارے اشتہار اور پیمائش کے نظام کو بہتر بنانا تاکہ ہم آپ کو متعلقہ اشتہارات دکھا سکیں اور اشتہار اور سروسز کی مؤثریت اور پہنچ کی جانچ کر سکیں۔
• اشتہار کی آئی ڈی جیسی معلومات وینڈرز، سروس فراہم کرنے والے اور دیگر پارٹنر کے ساتھ شیئر کرنا تاکہ یہ جان سکیں کہ ہماری سروسز کس طرح استعمال کی جا رہی ہیں، ads اور services کی مؤثریت پیمائش کر سکیں، کسٹمر سروس فراہم کر سکیں وغیرہ۔
• ہمارے نمائندوں اور ایجنٹس کو تربیت دینا تاکہ آپ کے ساتھ تعامل کے دوران فراہم کردہ سپورٹ/مشورہ کے معیار کو یقینی بنایا جا سکے۔
• تنازعات حل کرنا؛ مسائل کو ٹربل شوٹ کرنا؛ تکنیکی مدد اور بگ فکسنگ فراہم کرنا؛ اور ایک محفوظ سروس کو فروغ دینا۔
• قانونی تقاضے پورے کرنا۔

جبکہ ہم آپ کی ُ ذاتی معلومات کو دیگر جائز کاروباری مقاصد کے لیے بھی پراسیس کر سکتے ہیں، لیکن ہم اس بات کو یقینی بناتے ہیں کہ پراسیسنگ کو کم سے کم اور آپ کی پرائیویسی کے لیے کم سے کم مداخلت کرنے والی سطح تک محدود رکھا جائے۔

کوکیز یا مشابہ ٹیکنالوجیز

ہم اپنے پلیٹ فارم کے کچھ صفحات پر “کوکیز” یا اس جیسی ٹیکنالوجیز استعمال کرتے ہیں تاکہ ہمارے ویب پیج کے فلو کا تجزیہ کیا جا سکے، تشہیر کی مؤثریت پیمائش جا سکے، ہمارے پلیٹ فارم کے استعمال کو سمجھا جا سکے، اور اعتماد اور سیکیورٹی کو فروغ دیا جا سکے۔ “کوکیز” چھوٹی فائلیں ہوتی ہیں جو آپ کے ڈیوائس کے ہارڈ ڈرائیو/اسٹوریج پر رکھی جاتی ہیں اور ہماری سروسز فراہم کرنے میں ہماری مدد کرتی ہیں۔ کوکیز میں آپ کی ُ ذاتی معلومات ( شامل نہیں ہوتی۔ ہم کچھ فیچرز صرف اسی صورت میں فراہم کر سکتے ہیں جب آپ “کوکی” یا اس جیسی ٹیکنالوجیز استعمال کر رہے ہوں۔ ہم کوکیز کا استعمال اس لیے بھی کرتے ہیں تاکہ آپ کو ایک سیشن کے دوران بار بار پاس ورڈ ڈالنے کی ضرورت نہ پڑے۔ کوکیز یا اس جیسی ٹیکنالوجیز ہماری مدد کرتی ہیں کہ ہم آپ کو آپ کی دلچسپیوں کے مطابق معلومات فراہم کر سکیں۔ زیادہ تر کوکیز “سیشن کوکیز” ہوتی ہیں، یعنی یہ ایک سیشن کے اختتام پر آپ کے ڈیوائس کے ہارڈ ڈرائیو/اسٹوریج سے خود بخود ڈیلیٹ ہو جاتی ہیں۔ آپ ہمیشہ آزاد ہیں کہ اگر آپ کا براؤزر/ڈیوائس اجازت دیتا ہے تو ہماری کوکیز یا اس جیسی ٹیکنالوجیز کو رد/حذف کریں۔کر سکتے ہیں، تاہم ایسی صورت میں ممکن ہے کہ آپ پلیٹ فارمز کے کچھ فیچرز استعمال نہ کر سکیں، اور آپ کو ایک سیشن کے دوران زیادہ بار پاس ورڈ دوبارہ داخل کرنا پڑے۔ مزید یہ کہ، آپ کو پلیٹ فارمز کے کچھ صفحات پر ایسی “کوکیز” یا مشابہ ٹیکنالوجیز بھی نظر آ سکتی ہیں جو تیسری پارٹیاں نے لگائی ہوں۔ ان کوکیز کے استعمال پر ہمارا کوئی کنٹرول نہیں ہے۔

معلومات کا اشتراک اور انکشافات

آپ کی ذاتی معلومات صرف متعلقہ قوانین کے تحت، مکمل احتیاط کے بعد اور اس پالیسی میں درج مقاصد کے مطابق ہی شیئر کی جاتی ہیں۔

ہم آپ کی ُ ذاتی معلومات کو آپ کے لین دین کے دوران مختلف کیٹیگریز کے ریسیپیئنٹس جیسے کہ کامی بزنس پارٹنرز، سروس پرووائیڈرز، ملحقہ، ایسوسی ایٹس، ماتحت ادارے، ریگولیٹری باڈیز، اندرونی ٹیمز وغیرہ کے ساتھ شیئر کر سکتے ہیں۔

ذاتی معلومات درج ذیل مقاصد کے لیے “جاننے کی ضرورت کی بنیاد” پر شیئر کی جا سکتی ہیں:

• PhonePe آفرنگز کے لیے ایک مشترکہ لاگ اِن بنانے کی غرض سے (اگر قابل اطلاق ہو)۔
• آپ کی جانب سے استعمال کی جانے والی ایپس/سروسز کو فعال کرنے اور آپ اور سروس فراہم کنندہ/ڈویلپر کے درمیان سہولت فراہم کرنے کے لیے۔
• کمیونیکیشن، مارکیٹنگ اور اشتہارات، ڈیٹا اور معلومات کا ذخیرہ، منتقلی، سیکیورٹی،تجزیات، فراڈ کا پتہ لگانے، خطرے کی تشخیص اور تحقیق سے متعلق خدمات کے لیے۔
• آپ کے ڈیوائس پر ہماری سروسز کو ذاتی اور بہتر بنانے کے لیے۔
• Indus ایپ اسٹور اور اس پر موجود دیگر ایپس کے سافٹ ویئر اپ ڈیٹس فراہم کرنے کے لیے۔
• ہماری شرائط یا رازداری کی پالیسی کو نافذ کرنے کے لیے؛ ان دعوؤں کا جواب دینے کے لیے کہ کوئی اشتہار، پوسٹ یا دیگر مواد کسی تیسرے فریق کے حقوق کی خلاف ورزی کرتا ہے؛ یا ہمارے صارفین یا عوام الناس کے حقوق، املاک یا ذاتی حفاظت کی حفاظت کے لیے۔
• اگر قانون کے مطابق ایسا کرنا لازمی ہو، یا نیک نیتی میں ہمیں یقین ہو کہ ایسا انکشاف ضروری ہے، مثلاً عرضی، عدالتی احکامات یا دیگر قانونی عمل کا جواب دینے کے لیے۔
• اگر سرکاری اداروں کی جانب سے حکومتی اقدامات یا فوائد) کے لیے کہا جائے۔
• شکایات کے ازالے اور تنازعات کے حل کے لیے۔
• Indus کے اندرونی تحقیقاتی ڈیپارٹمنٹ یا Indus کی جانب سے مقرر کردہ تحقیقات کرنے والی ایجنسیوں کے ساتھ (جو بھارت یا بھارت کے باہر بھی ہو سکتی ہیں)۔
• اگر ہم (یا ہماری جائیدادیں) کسی کاروباری ادارہ کے ساتھ انضمام، خریداری ، ری آرگنائزیشن، امیگلمیشن یا ری اسٹرکچرنگ کا منصوبہ بنائیں تو اس کاروباری ادارہ کے ساتھ۔

جبکہ معلومات تیسری پارٹیاں کے ساتھ اس پالیسی میں بیان کردہ مقاصد کے مطابق شیئر کی جاتی ہیں، آپ کی ُ ذاتی معلومات کی پراسیسنگ ان کی پالیسیز کے تحت ہوگی۔ Indus یہ یقینی بناتا ہے کہ جہاں قابلِ اطلاق ہو، وہاں ان تیسری پارٹیاں پر سخت یا کم از کم اسی سطح کے رازداری کے تحفظ کی ذمہ داریاں عائد کیے جائیں۔ البتہ، Indus آپ کی ُ ذاتی معلومات کو ریگولیٹری ادارے اور سرکاری حکام کے ساتھ بھی اس پالیسی یا متعلقہ قوانین کے مطابق شیئر کر سکتا ہے۔ ہم ان تیسری پارٹیاں یا ان کی پالیسیز کی جانب سے آپ کی ذاتی معلومات کے استعمال پر کسی قسم کی ذمہ داری یا جواب دہی قبول نہیں کرتے۔

ذخیرہ اور برقرار رکھنا

جہاں تک قابلِ اطلاق ہو، ہم آپ کی ُ ذاتی معلومات کو بھارت کے اندر ہی اسٹور کرتے ہیں اور اسے صرف اتنی مدت کے لیے برقرار رکھتے ہیں جتنی مدت کے لیے وہ اس مقصد کی تکمیل کے لیے ضروری ہو جس کے لیے معلومات جمع کی گئی تھیں، اور یہ سب متعلقہ قوانین کے مطابق ہوتا ہے۔ تاہم، ہم آپ سے متعلق ُ ذاتی معلومات کو اس وقت تک برقرار رکھ سکتے ہیں اگر ہمیں یقین ہو کہ یہ دھوکہ دہی یا مستقبل کے غلط استعمال کو روکنے کے لیے ضروری ہو، یا اگر قانون کے تحت ایسا کرنا لازمی ہو (مثلاً کسی قانونی/ریگولیٹری کارروائی کے زیرِ التوا ہونے کی صورت میں، یا کسی قانونی اور/یا ریگولیٹری سمت کے موصول ہونے پر)، یا پھر دیگر جائز مقاصد کے لیے جب ُ ذاتی معلومات اپنی برقرار رکھنے کی مدت کو پہنچ جائے گی، تو اسے متعلق قوانین کے مطابق حذف کر دیا جائے گا۔

معقول حفاظتی اقدامات

Indus نے صارفین کی ُ ذاتی معلومات اور حساس ُ ذاتی معلومات کے تحفظ کے لیے تکنیکی اور جسمانی حفاظتی اقدامات نافذ کیے ہیں۔ ہم یہ سمجھتے ہیں کہ چاہے ہمارے حفاظتی اقدامات کتنے ہی مؤثر کیوں نہ ہوں، کوئی بھی سیکیورٹی نظام مکمل طور پر ناقابلِ تسخیر نہیں ہوتا۔ لہٰذا، اپنی معقول حفاظتی پالیسیوں کے حصے کے طور پر، ہم سخت داخلی اور بیرونی جانچ  سے گزرتے ہیں تاکہ یہ یقینی بنایا جا سکے کہ مناسب معلومات کی حفاظت کی خفیہ کاری اور کنٹرولز موجود ہوں، چاہے ڈیٹا منتقل ہونے کی حالت میں ہو یا محفوظ شدہ حالت میں اور یہ سب ہمارے نیٹورک اور سروسز پر محفوظ رہیں۔ ہمارا ڈیٹا بیس ایسے سروس پر محفوظ ہے جو فائر وال کے پیچھے ہیں؛ ان تک رسائی پاس ورڈ سے محفوظ ہے اور سختی سے محدود ہے۔ مزید برآں، آپ اس بات کے ذمہ دار ہیں کہ اپنے لاگ ان آئی ڈی اور پاس ورڈ کی رازداری اور سیکیورٹی کو یقینی بنائیں۔ براہ کرم اپنے پلیٹ فارمز لاگ ان پاسورڈ اور OTP تفصیلات کسی کے ساتھ بھی شیئر نہ کریں۔ اگر آپ کی ُ ذاتی معلومات کے حقیقی یا ممکنہ سمجھوتے کی صورت پیدا ہو تو ہمیں فوراً آگاہ کرنا آپ کی ذمہ داری ہوگی۔

تیسرے فریق کی مصنوعات، خدمات یا ویب سائٹس

جب آپ پلیٹ فارمز پر کسی سروس فراہم کنندہ کی مصنوعات یا خدمات استعمال کرتے ہیں تو آپ کی ُ ذاتی معلومات متعلقہ سروس فراہم کنندہ کے ذریعے جمع کی جا سکتی ہے اور ایسی ُ ذاتی معلومات ان کی اپنی رازداری کی پالیسی کے تحت ہوگی۔ آپ کو چاہیے کہ آپ ان کی رازداری کی پالیسی اور شرائط اور سروس کو دیکھیں تاکہ سمجھ سکیں کہ آپ کی ُ ذاتی معلومات کو وہ کس طرح استعمال اور محفوظ کریں گے۔ ہماری سروسز میں دیگر ویب سائٹس یا ایلیکیشن کے لنکس شامل ہو سکتے ہیں جب آپ ہمارے پلیٹ فارمز کا استعمال کرتے ہیں۔ ایسی ویب سائٹس یا ایلیکیشنز اپنی علیحدہ رازداری کی پالیسیاں کے تحت چلتی ہیں، جن پر ہمارا کوئی کنٹرول نہیں ہے۔ جب آپ ہمارے سرورز سے باہر چلے جاتے ہیں (آپ یہ جان سکتے ہیں کہ آپ کہاں ہیں اپنے براؤزر کی لوکیشن بار میں URL دیکھ کر یا اس ایم سائٹ پر جہاں آپ ری ڈائریکٹ ہوتے ہیں)، اس کے بعد آپ کی جانب سے دی گئی کوئی بھی ُ ذاتی معلومات متعلقہ درخواست/ویب سائٹ آپریٹر کی رازداری کی پالیسی کے مطابق استعمال کی جائے گی۔ یہ پالیسی ہماری پالیسی سے مختلف ہو سکتی ہے، لہٰذا آپ سے درخواست ہے کہ ان پالیسیز کا بغور مطالعہ کریں یا متعلقہ ڈومین اونر سے ان پالیسیوں تک رسائی حاصل کریں، اس سے پہلے کہ آپ ان ایلیکیشنز یا ویب سائٹس کا استعمال کریں۔ ہم ان تیسرے فریقوں کی پالیسیز یا ان کے ذریعے آپ کی ُ ذاتی معلومات کے استعمال کے لیے کسی بھی ذمہ داری یا جوابدہی کو قبول نہیں کرتے۔ مزید برآں، پلیٹ فارمز پر آپ کے لیے چیٹ رومز، فورمز، میسج بورڈز، فیڈ بیک فارمز، ویب لاگز / بلاگز، نیوز گروپس اور دیگر عوامی پیغام رسانی کے فورمز دستیاب ہو سکتے ہیں۔ براہ کرم یاد رکھیں کہ ان جگہوں پر فراہم کی گئی کوئی بھی معلومات عوامی معلومات بن جاتی ہے، اس لیے آپ کو چاہیے کہ اپنی ُ ذاتی معلومات ظاہر کرنے سے گریز کریں۔

آپ کی رضامندی

ہم آپ کی ُ ذاتی معلومات آپ کی رضامندی کے ساتھ پروسیس کرتے ہیں۔ جب آپ پلیٹ فارمز یا ہماری خدمات استعمال کرتے ہیں اور/یا اپنی ُ ذاتی معلومات فراہم کرتے ہیں تو آپ Indus کو اجازت دیتے ہیں کہ وہ اس رازداری کی پالیسی کے مطابق آپ کی معلومات کو پروسیس کرے۔ اگر آپ ہمیں کسی اور فرد سے متعلق کوئی ُ ذاتی معلومات فراہم کرتے ہیں تو آپ یہ ظاہر کرتے ہیں کہ آپ کو ایسا کرنے کا قانونی اختیار حاصل ہے اور آپ ہمیں اجازت دیتے ہیں کہ ہم اس معلومات کو اس رازداری کی پالیسی کے مطابق استعمال کریں۔ مزید براں، آپ اس بات سے متفق ہیں کہ ہم آپ سے فون کالز اور ای میل کے ذریعے رابطہ کر سکتے ہیں، چاہے آپ کسی بھی DND رجسٹری میں رجسٹرڈ کیوں نہ ہوں۔

انتخاب/آپٹ آؤٹ

ہم تمام صارفین کو یہ موقع فراہم کرتے ہیں کہ وہ کسی بھی وقت ہماری غیر ضروری (پروموشنل، مارکیٹنگ سے متعلق) کمیونیکیشن یا خدمات سے آپٹ آؤٹ کر سکیں۔ اگر آپ چاہتے ہیں کہ آپ کی کانٹیکٹ انفارمیشن ہماری تمام lists یا خبرنامے سے ہٹا دی جائے یا آپ ہماری کسی بھی سروس کو بند کرنا چاہتے ہیں، تو آپ ہمارے بھیجے گئے ای میل کرنے والے میں موجود ان سبسکرائب بٹن پر کلک کر سکتے ہیں یا پلیٹ فارمز کے ‘سپورٹ’سیکشن کے ذریعے ہم سے رابطہ کر سکتے ہیں۔

اگر آپ کو ہماری مصنوعات/سروسز کے حوالے سے فون کال موصول ہوتی ہے تو آپ دورانِ کال ہمارے نمائندے کو اطلاع دے کر بھی آپٹ آؤٹ کر سکتے ہیں۔

ذاتی معلومات تک رسائی/درستی

آپ اپنی فراہم کردہ، ذاتی معلومات تک رسائی اور اس کا جائزہ لینے کے لیے ہم سے درخواست کر سکتے ہیں۔ ان درخواستوں کے لیے آپ اس پالیسی کے ‘ہم سے رابطہ کریں’ سیکشن میں دی گئی معلومات کے ذریعے ہم سے رابطہ کریں۔ اگر آپ اپنا اکاؤنٹ یا اپنی ُ ذاتی معلومات حذف کرنا چاہتے ہیں تو براہ کرم پلیٹ فارمز کے ‘سپورٹ’ سیکشن کے ذریعے ہم سے رابطہ کریں۔ تاہم، آپ کی معلومات کو حذف کرنے یا برقرار رکھنے کا فیصلہ متعلقہ قوانین کے مطابق ہوگا۔ ان درخواستوں پر عمل کرتے وقت Indus آپ سے کچھ مخصوص معلومات طلب کر سکتا ہے تاکہ آپ کی شناخت اور تصدیق کی جا سکے۔ یہ ایک حفاظتی اقدام ہے تاکہ آپ کی ذاتی معلومات کسی ایسے فرد کو ظاہر نہ کی جائے جس کا اس پر کوئی حق نہ ہو، یا غلطی سے تبدیل یا حذف نہ ہو۔ مزید معلومات کے لیے براہ کرم شرائط و ضوابط دیکھیں جو پلیٹ فارمز پر آسانی سے دستیاب ہیں، یا آپ ‘سپورٹ’ سیکشن کے ذریعے ہم سے رابطہ کر سکتے ہیں۔

بچوں سے متعلق معلومات

ہم جان بوجھ کر 18 سال سے کم عمر بچوں کی ُ ذاتی معلومات اکٹھی یا طلب نہیں کرتے۔ ہماری پلیٹ فارمز اور خدمات صرف ان افراد کے لیے دستیاب ہیں جو انڈین کنٹریکٹ ایکٹ، 1872 کے تحت قانونی طور پر معاہدہ کر سکتے ہیں۔ اگر آپ کی عمر 18 سال سے کم ہے تو آپ کو ہماری پلیٹ فارمز یا خدمات اپنے والدین، قانونی سرپرست یا کسی ذمہ دار بالغ کی نگرانی میں استعمال کرنی ہوں گی۔

پالیسی میں تبدیلیاں

ہم اپنے صوابدیدی اختیار پر اس رازداری کی پالیسی میں کسی بھی وقت بغیر پیشگی اطلاع کے تبدیلی، ترمیم، اضافہ یا کمی کر سکتے ہیں۔ تاہم، ہم آپ کو مناسب طریقے سے آگاہ کرنے کی کوشش کریں گے۔ آپ کی ذمہ داری ہے کہ آپ وقتاً فوقتاً اس پالیسی کو دیکھتے رہیں۔ اگر آپ ہماری خدمات/پلیٹ فارمز استعمال کرتے رہتے ہیں تو اس کا مطلب یہ ہوگا کہ آپ ان تبدیلیوں کو قبول کرتے ہیں۔ تاہم، ہم ایسی کوئی تبدیلی نہیں کریں گے جس سے پہلے سے فراہم کردہ آپ کی ذاتی معلومات کے تحفظ میں کمی واقع ہو۔

ہم سے رابطہ کریں

اگر آپ کو اپنی ذاتی معلومات کے پروسیسنگ یا اس رازداری کی پالیسی سے متعلق کوئی سوال، تشویش یا شکایت ہے تو آپ ہم سے پلیٹ فارمز کے ‘سپورٹ’ سیکشن کے ذریعے رابطہ کر سکتے ہیں۔ ہم اس بات کے پابند ہیں کہ آپ کے سوالات کا مناسب وقت کے اندر جواب دیں۔ اگر کسی وجہ سے جواب دینے میں تاخیر ہو تو ہم آپ کو پیشگی اطلاع فراہم کریں گے۔